Fidan Mehmeti

Fidan Mehmeti u lind më 12 shtator 1984 në fshatin Kçiq i Madh, komuna e Mitrovicës. Studimet universitare i ka përfunduar në Prishtinë, pranë Fakultetit të Filozofisë, në drejtimin Histori, si dhe në Fakultetin e Shkencave Politike, ku diplomoi në vitin 2010.

Në vitin 2009, ka punuar si hulumtues i Trashëgimisë Kulturore pranë Muzeut të Mitrovicës dhe është certifikuar si hulumtues i Trashëgimisë Kulturore nga organizata

ndërkombëtare. Ndërkaq, në vitin 2014, Fidan Mehmeti është punësuar në arsim, fillimisht si profesor historie në gjimnazin “Frang Bardhi”, një post që e mbajti deri në vitin 2016.

Më pas, ai ka punuar si mësues në shkollën fillore dhe, në vitin 2018, është emëruar zv/drejtor në shkollën fillore “Fazli Grejçevci”, pozita që e mbajti deri në vitin 2022. Pas kësaj periudhe, Fidan Mehmeti ka vazhduar punën e tij në arsim si ligjërues i lëndës së Historisë.

Fidani ka një dëshirë dhe vullnet të madh për të kontribuar në zhvillimin e sektorëve të Trashëgimisë Kulturore, zhvillimit ekonomik dhe turizmit, duke i konsideruar ato si prioritete të mandatit të tij në Kuvendin e Kosovës, kur ai do të jetë deputet.