Pranvera Xhaferi

Pranvera Xhaferi ka mbaruar studimet bachelor në Psikologji, si dhe është në proces të diplomimit në gradën master në po të njëjtin drejtim. Ajo shquhet si një grua e fortë, e edukuar, e guximshme, dhe si një nënë shembullore.

Përkushtimi për një familje të shëndoshë, që në themelet e saj e ka edukimin mbi vlerat humane, është ajo që e bën atë të veçantë.

Pranvera ka kontribuar edhe gjatë luftës në kampin e refugjatëve në Çegran me organizatën “Save the children”, si edukatore në “SOS” Fshat. Ajo është prej grave të rralla që ka marrë pjesë në gara të ndryshme automobilistike, ku vendit i ka sjellë medalje, mirënjohje, falënderime dhe çmime të vlefshme, duke bërë një akt patriotik për atdheun, si dhe duke dëshmuar praktikisht përmes këtyre rezultateve edhe për emancipimin e femrës kosovare.

Pranvera, përveç këtyre profesioneve, ka edhe angazhime tjera, si në fushën e menaxhimit, estetikës, sportit, etj.

Ajo është kandidate për deputete në listën e Koalicionit për Familjen.